الأحد 03 مارس 2024

من أرشيف عبد الرحيم علي

شاهد.. عبد الرحيم على يعرض تسريبات ممدوح حمزة

أذيعت الحلقة بتاريخ 7 إبريل 2016

نشر
عبد الرحيم علي

قال عبد الرحيم على الكاتب الصحفى الكبير ورئيس مجلسى إدارة و تحرير البوابة نيوز  : طبعا بعد ما ممدوح حمزة فهم بتوع ائتلاف شباب الثورة انهم لازم يعملوا دا رجع للأخ اللى كان بيكلمه ويقوله دلوقتى هما دلوقتى بيعملوا لستة للوزارات و هيحطوا فى الوزارة اللى هتترشح فيها اسمك انت بس ، لكن هيحطوا أسماء تانية فى الوزارات التانية ،  تعالوا نسمع ممدوح حمزة بيخطط للموضوع دا أزاى السياسى الفز اللى بيدعوا لانتخابات رئاسية مبكرة شوفوا يبعمل ايه و كان ناوى يعمل ايه ولو وقتها كان متمكن من السلطة كان عمل ايه .. تعالوا نشوف ونسمع .

وعرض " على " مكالمة تليفونية وتسريب خلال برنامجه الصندوق الأسود الموسم الثالث وكانت المكالمة بين ممدوح حمزة و أحد قيادات الحزب الوطني وكانت كالآتى :

- أيوه يا ممدوح
- الوو
- هما بيعملوا لسته فى كل الوزارات وفى الثقافة هيحطوا اسم واحد بس مش هيحطوا ٣ اسماء زى بقية الوزارات .

-بس خلاص عليك انت يعنى ؟

- دا اللى وعدونى بيه دلوقتى حالا لسه مكلمهم

- ربنا يخليك ويقدرنى واردلك الكلام دا

- دا خير للبلد .. شكرا شكرا


وقال " على " بعد اذاعة التسريب : طبعا أحد شباب الثورة بعد ما الأخ ممدوح بلغ مرشح الوزارة من قيادات الحزب الوطنى أن الشباب هيدعموك مقابل كذا و هيحطوا اسمك المرشح الوحيد فالمجلس العسكرى هيختارك على طول راح الأخ بتاع شباب الثورة كلم ممدوح وقاله احنا مش بس عملنا كدا احنا نزلنا الخبر فى المصرى اليوم وعرض " على "  مكالمة اثباتا للمعلومة وكانت كالآتى :

- أيوه يا ناصر

- ازيك يا دكتور شوفت المصرى اليوم ؟
- لا فيها ايه
-نزل الخبر بتاعنا
-والله العظيم ؟ فيها اسماء الثلاث وزارة 
-ايوه فيها الثلاثة 
-دلوقتى انا عاوز ادعو لاجتماع بكره الساعة ٢ فى نادى المهندسين فى أبو الفدا فى الزمالك لان جالى ناس من جهات مختلفة وهدفهم توحيد الشباب هل تفتكر نقدر نعمل الاجتماع ولا لا داعى له الآن ؟

- خلينا بس اقعد مع حضرتك وأقولك احنا بنفكر فى ايه دلوقتي واحنا بنعمل دا بينا وبين بعض مفيش مشاكل والخارجين عن السياق هما مصطفى النجار وعبد الرحمن يوسف

- سيبك منهم دول ملهومش قيمة ، في ناس جولى من مركز ابن خلدون

-اصل احنا من هندخل بتوع " الان جى اوز "  و نعمل اجتماع فيه ١٠ الاف لكن احنا بنرتب أن الناس بتوع " الان جى اوز " و بتوع ابن خلدون وبتوع المنظمة المصرية ندعوهم لمائدة الحوار وهيبقوا موجودين بشكل أو بآخر وشوف المصرى اليوم الخبر نازل وكلم التلاتة .

- طب أوكى طب شكرا  


تابع " على "  : مش عارف أعلق وأقول ايه بصراحة بس لما يكون فى شخص بهذا المفهوم والنهاردة يدعو لانتخابات رئاسية فهو مودينا لفين ؟! راح بينا لفين ؟! قدم ورق شركته فى مشروع قناة السويس لما يترفض ورقه يبقى المشروع كله بايظ ورايح فى ٦٠ داهية ، يشارك فى ٢٥ يناير ويحاول يسيطر على الحكومة من خلال الشباب و يشغل ناس بفلوس عنده ولما الدنيا تبوظ منه يحاول يدعم الاخوان يسقط الاخوان فيدعم ٣٠ / ٦ ميحصلوش اى تقدم ، فهل انسان بالشكل دا عدم الثبات على وجهه نظر والتذبذب وعدم قدر على التمييز و عدم وجود له رؤية وطنية للامام لمدة عام واتنين وخمسة لهذا الوطن يشارك فيها بشكل واضح بعيدا عن مواقفه الشخصية لانه ليس لديه خبرة سياسية ويعمل فى السياسة بمنطق الاعمال كان لابد ان نصل لذلك ، فهذا أحد الاشخاص الذين يدعوا لانتخابات رئاسية مبكرة فلو فيك الخير كنا سمعناك لكن بهذه الطريقة نسمعك ونصدقك ازاى وتعالوا نسمع اخر مكالمة بينه وبين الشخص المرشح للوزارة وبيفرحه بنشر الخبر فى المصرى اليوم وبيفهمه أد ايه هو واصل ومسيطر على الشباب دول و قوى و كان يعتقد أنه بمجرد طرح اسم هذا الشخص على المجلس العسكرى ونشر هذا الكلام فى بيان رسمى فى المصرى اليوم معناه أن الموضوع منتهى ولكن كان هناك رأى آخر فى جهة أخرى يرفض كل هذا الكلام لانه مش من مصلحة الوطن ، تعالوا نسمع المكالمة الأخيرة ونرجع نكمل وعرض " على " المكالمة الأخيرة وكانت كالآتى :

- ممدوح باشا 
- ازاى الحال
- قريت صفحة ٧ فى المصرى اليوم  ؟
-لا لسه مجتليش هبقى اقراه حاضر
- اقرالك أنا : ائتلاف شباب الثورة يطالب بحكومة تكنوقراط ولفت البيان أنه ليس لديهم موقف مع كل العناصر التى عملت مع النظام السابق ورحبوا بتولى سمير فرج وزارة الاعلام وسمير رضوان للمالية وفايزة أبو النجا لوزارة التعاون الدولى فى الحكومة الانتقالية

- متشكرين يا حبيبى

- صفحة ٧ يا فندم ، دلوقتى بقى هل فعلا ناويين يعملوا حكومة ولا ايه الحكاية ؟

- ايوه ايوه

- طيب مين اللى هيشكلها أحمد شفيق ؟

- لالا غالبا لا

- لا طبعا مش ممكن

- أنا النهارده فى الحياة اليوم ولن أتحدث بتكليف من ائتلاف شباب الثورة أنا خدامهم هنا يعملوا اللى هما عاوزينه ، النهارده طالبين ٣ حاجات محددة وهى الحكومة المؤقتة تكنوقراط و اعطاء فرصة كافية قبل الانتخابات حتى لا تجهض ولا تعطى ثمارها لفئة معينة " قاطعه الإخر " عشرة على عشرة " ، مع تحديد واضح وصريح ان هذا الدستور دستور مؤقت ، طالما مش هنعمل واحد جديد يبقى دا مؤقت ويسمى الدستور المؤقت ، شوف العيال دى ناضجة ازاى ، عارف دا عنده كم سنة اللى ملانى الكلام دا دلوقتى ٢٨ سنة واللى طلع البيان اللى فيه حضرتك و فايزة أبو النجا طالب و عنده ٢٨ سنة جه مكتبى هنا وقعد مع الit و طلع البيان

- والبيان دا مش عشان سمير فرج ولكننا نثبت اننا ليسوا اعداء للنظام

-ما انا هقولها النهارده ، سمير فرج وفايزة أبو النجا وسمير رضوان لان كل اللى عمله من ساعة ماجه الناس مبسوطة منه  

- فايزة ابو النجا عليها دور كبير جدا بتقولى يا سمير لازم نستغل الفرصة دى الناس هيدونا فلوس بالهبل من بره فى اوروبا

- انا هقول الكلام دا النهارده ان فايزة ابو النجا فى ايدها خيوط التعاون الدولى انها تقدر اولا انها تلغى الديون بتاعة مصر على اساس الانظمة دى بتقول مبروك يا مصر احنا غلطنا ووقفنا مع انظمة تانية احنا فهمناكم واحنا بنتنازل عن القروض ، فايزة ابو النجا قادرة انها تعمل كدا  
- صح
- لما لها من مصداقية واحترام وبينى وبينك بلدياتى برضه خد بالك فايزة دمياطية  

- انت عارف انها كانت قاعدة جنبى فى الفصل ولا لا

- والله العظيم

- متعرفش طبعا

- مدرسة ايه

-كانت مدرسة بور سعيد ،ما دمياط وبور سعيد واحد ماانت عارف

- اه حاجة واحدة

- وسمير رضوان منين ليطلع من دمياط تبقى مصيبة وانتهت المكالمة بضحكات متبادلة بين الطرفين.


وأختتم " على " بعد عرض المكالمة المسربة وقال : بعيدا عن عرض المكالمة والاسماء التى كانت فى المكالمة وغيره القصد منها ايه ؟ القصد هى طريقة التخطيط السياسى وطريقة التعامل مع ثورة شعب ، مع شباب قاموا بثورة ، شباب بيتعاملوا مع قيادة ليهم اى كان هذه القيادة بمفهوم برجماتى منفعى ، الرجل دا بيدينا فلوس بيشغلنا يبقى لازم نجامله لازم نقدمله مصالح زى مابيقدملنا مصالح فنيجى نقدم اسم واحد للمجلس العسكري عشان يضطر ياخده وباقى الوزارات ٣ اسماء والرجل يرجعله ويقوله شوفت ان اد ايه مسيطر على الشباب دول ، ثورة ايه اللى يبقى واحد مسيطر على مجموعة شباب اسمها ائتلاف شباب الثورة واللى يقولهم عليه يعملوه ويعملوا بيان وينزلوه فى جرايد والجرايد تستجيب له ، لخبطة ملهاش معنى ، لكن احنا مش فى القضية دى كل الثورات بتحصل فيها لخبطة ، احنا فى قضية التذبذب ، فى الناس اللى معندهاش خبرات سياسية، هل يجوز ليهم بعد كل السنين دى اللى دخلونا فى الحيط مرة فى الاخوان ومرة فى السلفيين ومرة مش عارف ايه .. فهل يليق بهم ان يظهروا مرة اخرى ليتحدثوا على انتخابات رئاسية مبكرة ؟ نذكر بهم ونذكر بافعالهم ان الذكر تنفع المؤمنين وإلى اللقاء .